郝龍斌上次訪港同煲呔曾見過面，今次特區政府高層都想安排兩人共進早餐，但郝龍斌呢次可謂係旋風式訪港，前日夜晚八點幾至飛抵香港，尋日下晝三點又趕返台北，留港時間唔夠二十粒鐘，所以抽唔到時間同煲呔曾見面，但佢都話如果有機會佢都樂意同煲呔曾交流吓行政經驗。

被問到台北市民有得一人一票選市長，但香港人就冇得選特首時，郝龍斌明顯唔想蹚渾水，話尊重香港人對自己制度嘅選擇。再追問佢對香港政改嘅睇法時，佢話對政改唔了解，一於封嘴避談。