現年二十七歲的男被告張家和，為中大經濟系博士生，他否認兩項勒索及兩項串謀勒索罪。宗教機構高級人員Ｙ先生昨續在屏風後作供，控方向Ｙ播放去年五月被告偕同「阿姨」王琦往港島總辦事處會見Ｙ的對話錄音，過程逾兩小時。
「用五分鐘捽我性器官」
根據對話內容，被告當時向Ｙ先生透露自己獲選為中學舊生會主席，前年與曾任該校校監及校董的X先生認識，由於雙方都懂彈鋼琴，「有個年紀大嘅知音」。被告稱兩人一直相安無事，但同年十一月結伴同遊北京「已經出事」，翌月X再邀約被告到珠海，「佢話要我喺珠海射精畀佢睇」。
被告直言當時以為X說笑，惟兩人一起洗澡時，「佢（X）幫我擦背，洗私人部位用力擦，我雖然睇唔到，但感覺到佢有射精。」被告又指X「沖我個身用咗十秒，但用咗五分鐘捽我性器官」，被告形容X雖年屆高齡，但仍有生理反應，甚至性器官較自己長，被告對此感「好混亂，惡心，核突」。
之後，被告與X外出時，X會拖着被告手並對他毛手毛腳。X又曾以同宿舍的另一宗教機構人員入住醫院為由，邀被告到宿舍「孖鋪」。某天被告感到腳部酸軟，X即着他脫褲，用按摩器令他射精，「我嗰日有病，佢二話不說整落嚟，十秒就畀佢搞出嚟。」
被告稱X又曾指生辰將至，要被告當天「幫佢（X）自慰，令佢射精，佢話射出嚟有兩呎咁遠，佢話有強大嘅性能力。」被告曾以補習等理由於前年一至三月刻意避開X，「要脫離佢魔掌」，但X卻提出「每個月畀三千蚊，唔使補習囉」，被告感難受，「菲傭都多過呢嗰價錢」。
「阿姨」暗示受害不止一人
被告指直至四月，X「詐死」要被告到宿舍相見，被告抵達後被迫脫褲，X「左手搞我性器官，右手打我PAT PAT」，再逼被告說出連串口訣，要被告自認「睾丸得一粒半」等，同時又要歌頌X：「話X大炮係有八吋，射出嚟下下有力」。X事後曾有一番解釋，「因為你（被告）好驕傲，所以要挫你嘅銳氣。」
王琦與Ｙ對話時則披露，除被告與另一男子曾入X房外，「以前仲有幾個」，暗示受害人不止被告一人。被告坦言事發後曾與X對質，惟X的最後留言是：「我最多身敗名裂，我預咗坐監，有乜所謂吖，你都唔好過㗎，我會隊你出嚟，你都死梗㗎！」 案件編號：DCCC 1375/09