富貴黨中常委田北辰尋日出席一個長者慈善活動時，突然提起佢阿姨，話阿姨今年已經九十三歲，身體仍然好好，長壽嘅秘訣就係長期工作、經常運動。
大學都未畢業嘅阿姨早年移居美國，田二少喺美國讀大學時就係住喺呢個阿姨屋企，阿姨除咗照顧佢起居飲食之外，仲幫佢執正論文啲文法錯誤，兩人之間嘅感情亦喺呢個時間開始建立，冇咗阿姨，佢話自己都唔知畢唔畢到業喎。田二少仲好自豪咁話阿姨從來冇靠政府，由於當年美國嘅最低工資要求冇依家香港勞工團體要求嘅咁多，所以阿姨可以搵到份工，食同住都靠自己。
田二少阿爸係「一代褲王」田元灝，斷估唔會待薄個仔啩！田二少咁樣將阿姨同最低工資扯上關係，似乎借阿姨過橋噃！
