問責班底呢個行動唔使問梗係例牌兼指定啦，但光哥唔知係咪畀個新民主女神像單嘢搞到一頭煙，尋日出席一個建築、電氣、保安展時，明明預先寫好嘅講詞係以政改為主，但佢致詞前先去巡場，西裝外套並冇「起錨」襟章，大半個鐘頭後，佢起身上台時，西裝外套上忽然襟章再現，唔通重新起錨？同場出現嘅發展局局長林鄭月娥就冇咁燒鬚，套黑色西裝一早戴咗個襟章。