金刀梁獲頒院士銜，醫管局主席胡定旭、中大醫學院院長霍泰輝等醫學猛人齊齊到賀，去咗北京公幹嘅肥胡仲係專程返港恭喜佢，夠晒老友。金刀梁有幾叻，數數榮譽院士銜頭就知，連埋今次在內，一共多達十八個。但金刀梁為人謙虛，笑言唔知點解獲得呢個殊榮，評審委員會主席李國棟醫生就讚佢推動基層醫療多年，實至名歸。

遲吓喺七月，金刀梁又飛去英國攞第十九個院士銜，呢次係英國皇家醫學院頒發內科榮譽院士銜畀佢。

查實梁太係瑪麗醫院放射科前主管，已投身放射診斷學三十五年，當年佢以九十磅嘅身軀，日日負八磅重嘅鉛喺胸前防輻射，韌力認真驚人，雖然佢退咗休，但仍熱心醫學教育。