「曾朋友」寸人唔夠高

話說佢同阿王黨友黃國健（KK）同枱，一坐低就寸寸貢咁問KK：「點呀？今日有冇鬧我呀？」KK當然澄清番唔關佢事，點知佢點都唔肯放過佢：「總之就係你哋鬧得我好勁啦！」態度傲慢、毫無反思，真係畀人鬧得少。

席間仲有唔少笑料，因為煲呔曾邀請公文袋辯論而呷大醋嘅白鴿黨議員「高達」李永達咁啱坐煲呔曾隔籬，不停同煲呔曾講應該考慮吓叫埋白鴿黨主席「鐵頭仁」何俊仁。

煲呔曾就好敷衍咁答話，已經喺網誌交代晒邀請余若薇嘅三項標準嘞，點知身邊嘅「曾朋友」即刻幫口，話第一個標準係要有五呎九吋高，當堂寸爆本身唔高嘅鐵頭仁同高達。行政會議召集人梁振英亦不甘後人加多句，話第二個條件係要着裙，即係暗示白鴿黨班男士冇機會啦！