中央屠宰場計劃議而不決十二年，至今仍在「研究」，政府點做嘢㗎？就係因為周一鑊這種唔嗲唔吊處事作風，搞到走私雞大量流入香港，由於走私雞來歷不明，一旦染有禽流感，病毒更會因此傳播。敢問周一鑊，是否要等到走私雞出事散播禽流感，才會「盡快」推行中央屠宰？人生有幾多個十二年？

周一鑊指中央屠宰場未必有利可圖，這種廢話虧他好意思講。政府做事，如果真為市民着想，便不會着重於「利」，中央屠宰場的建議就是為了杜絕禽流感在社區爆發，單就這意念，根本就應該即時動工！

全世界的高鐵都很難賺錢，在歐洲，許多看似有盈利的路線，其實接受了不少贊助；在美國，美鐵○八年虧損十一億美元；香港高鐵貴一貴都拍板去建，亦未必有利可圖也！中央屠宰場亦應有此共識，非為利，是為了杜絕禽流感，是為市民健康生命着想。

再者，不建中央屠宰場，則政府失信於雞販，雞販已交回牌照，周一鑊竟話「中央屠宰場未必有利可圖」！周局長，一個社會是需要正義的，大家都要服於理，如果不建中央屠宰場，政府就是帶頭不講理，敢問誠信正義何在？