曾經做過公務員事務局局長嘅WK日前批評公務員入職要高中英文水平過於苛刻，尋日佢又喺香港退休計劃協會午餐會上話，強積金計劃只勉強為退休者提供最低限度保障，甚至不足以應付退休生活，尤其係中年、老年同低收入人士，主要因為僱主及僱員的供款數目太少，而強積金管理費等收費又偏高。WK仲呼籲政府檢討強積金計劃，認真研究有冇其他退休保障嘅選擇喎！

佢狠批強積金不足以應付退休生活，但呢個計劃亦同佢當年做署理教育及人力統籌司時，推銷老年退休金計劃失敗有關，政府最後先變招推個強積金制度出嚟。

早前WK憶述呢段往事時，都批評當年上司壓下來，佢要好似推銷保險咁推動老年退休金計劃，搞到最後失敗收場。