其實好多嘢唔使睇數字，感覺有時更實際，譬如北上一日遊，一百蚊買包煙食兩餐，所剩已經唔夠搭港鐵返屋企！感覺上，一百蚊貶咗值！筆者讀中學個仔亦投訴：「老竇，再唔加零用，係唔係要我去賣血？」老婆晚飯時呻：「去街市揸住一百幾十都唔知點買餸！」筆者老早明白婚姻就是兩個人在物質上互相幫助、在精神上互相摧毀，此際，自己只能無聲吃飯，讓嘆息化為深沉的無奈！不要笑我，人生至此，也是一種境界。

感覺這東西看起來不準確，其實又十分準確。有人妙喻：他買不起肉菜雞蛋，你再統計物價穩定也沒用；他覺得屋裏寒冷，你再統計供暖溫度升高多少也沒用……如果一個人寧可相信統計卻不相信自己的感覺，那才叫見鬼。當然，數字也非全是廢柴，譬如統計處指時薪低於三十三元的僱員超過四十六萬人，物價增幅最大的成分是日用必需品，低下階層壓力之大可想而知。

學者預測，第三季前通脹或高達百分之四至四點五，年底甚至高達百分之六，港府做好利民紓困措施未？