佢哋喺馬會會所較技，波腳仲有盧俊榮，佢哋先打雙打熱身，搓波近半個鐘先轉單打。學咗乒乓波一年嘅Stephen掌握咗好多乒乓技術，IT豪就已經好多年冇打波，但佢平時做開運動，喺Stephen嘅提點下，好快就打出水準，連甘老闆都讚佢唔使踎低個人已經拉得個波好靚。

IT豪同甘老闆對決打六分四，甘老闆連贏五分之後，坐喺旁邊睇波嘅Stephen即時醒咗個心法畀IT豪︰「唔出聲就民望高，唔失波就會得分。」呢句說話真係絕，身為政治人嘅IT豪梗係領會，結果喺唔失波下連追甘老闆五分，要打「刁時」，最後攞多一分反敗為勝。

Stephen事後大讚IT豪唔止係好腳，學嘢仲夠晒快添。