環境局局長邱騰華尋日出席新推出嘅「少棄置，多珍惜」減廢宣傳活動時，就自爆平時上台致辭一定會偷望背後個布景板，睇清楚個活動名先噏，點知佢啲手下為咗切合廢物利用嘅主題，用晒啲手巾仔砌咗個布置，佢背後變咗「無字天書」，邱局長都好坦白，話：「我掉轉頭睇布景板變晒手巾仔，冇晒啲貓紙！」

老實講，環境局唔用紙，其實先係政治正確，若果其他政策局同政府部門出席立法會會議或其他活動，都唔用貓紙同埋唔照稿讀，咁就更加環保嘞！