鄧麗欣：幾需要頭腦

古天樂昨對記者稱：「現實中無玩過喎！我不嬲都唔鼓吹賭博，所以唔會玩。當然我之前拍戲嘅時候有專業人士教過我點玩，但就唔覺得好有趣。」

而女主角鄧麗欣為拍電影亦學玩過德州撲克，她說：「我上網搵資料，發覺唔易玩，係幾複雜，都幾需要頭腦同技巧，所以拍完戲之後都冇玩過，況且我本身都唔賭錢。」

德州撲克（Texas hold'em）又稱「德州話事啤」，玩法跟「話事啤」相似，但由於組合較多，增加了翻盤反勝機會，成為另一賣點。賭局開始時，每位玩家派兩張「底牌」後，可以第一輪下注。接着，發牌員在枱中央派發三張公家牌，玩家可棄牌、跟注或加注，或者「晒冷」押上全部注碼。

之後，發牌員派發第四張公家牌，玩家同樣可落注或棄牌，然後再派第五張公家牌，玩家最後下注後開牌決勝負，玩家的兩張底牌為必然組合，從枱上五張公家牌挑選三張，以組成最強的五張牌，玩家對比後勝出便可贏走枱面所有賭注。