掃清飯餸津津有味

佢哋喺中午十二點踏入社區飯堂時，長者們已各自安坐準備用餐。當日適逢農曆四月初一，為迎合食齋嘅長者，午餐餸菜較為清淡，有雜豆肉粒扒玉子豆腐、花生黑豆黃耳鯪魚頭湯、生菜同白飯。平時歎慣珍饈百味嘅保良高層會唔會食唔慣呢？結果個個將飯餸掃得一乾二淨，而且食得津津有味。

社區飯堂提供嘅飯餸每餐約十蚊，有菜有肉有生果有湯。

保良局幾位高層對長者玩嘅壽司麻將好有興趣，齊齊摸埋一份。

Quincy嘅評語係餸菜冇乜油，好清淡，啱晒長者。Abbie就讚飯堂餸菜夠新鮮，避免長者喺家中捱冷飯餸菜，佢話：「好多長者買一條魚食幾日，焗完又焗，食咗都唔健康啦！」倡議今次巡視社區飯堂嘅Eric對餸菜好滿意，相信受惠嘅長者會感覺到保良局嘅人情味。身兼社會服務委員會主席嘅Jacqueline透露，下個目標計劃喺天水圍同深水埗開設社區飯堂。