MyCar早前喺香港搞咗場展覽，環境局局長邱騰華硬住頭皮去捧場，事後都畀外界話政府走寶。尋日佢向立法會交代電動車嘅進展，原來截至上月底，喺本港路面行駛嘅電動車僅得五十七架，當中有三分之一仲係政府車輛嚟，畀議員噴到一臉屁。

政府做嘢決心薄弱

工聯會立法會議員潘佩璆直指政府做嘢決心非常薄弱，又認為依家全港只有三十七個電動車充電站，即使當局會喺今年年中之前額外加多二十五個仍唔夠；富貴黨主席劉健儀仲批評政府唔應該「講多過做」，當局應該同巴士公司研究引入電動巴士。

邱局長又點招架呢？佢解釋，依家電動車嘅生產仲處於起步階段，但本港已經有多家生產商嘅首位銷售對象喎。