距離政府六月二十三號將政改方案決議案提交立法會表決仲有個幾月，煲呔曾話要盡量拉票，傳聞政府內部已經諗住搞「新社區運動」自救，要求成個問責團隊落街派傳單硬銷政改，好似○三年沙士期間所有高官要落街清潔香港一樣。
不過佢哋出師不利，政改首席推銷員、政務司司長唐唐尋日同學生對談，就畀非常教師狂轟係反面教材。咁稍後班問責官員落區派傳單又會唔會當街畀人問候呢？
尋日問教育局政治助理楊哲安幾時會落區派傳單，佢竟然話：「係派都派豬腳薑先啦！」嘩！好多人知道佢會喺九月中第二次做老竇，到時政改方案都過晒廟啦，佢咁講簡直係九唔搭八，擺明喺度耍人啫！每個月逗十幾萬公帑人工，唔係請佢返嚟做私人嘢o架！
