富貴黨港島支部主席邵家輝尋日聯同四位當日有份出席論壇嘅黨友開記招，聲言如果有市民或傳媒能有確實證據，指出當日富貴黨邊位成員爆粗問候人阿媽，就重賞五千蚊。邵家輝仲話，佢哋逐格翻睇當日各大傳媒同網上有關片段，睇唔見有黨員爆粗，反而發現坐喺論壇後面有位男士，以粗口問候富貴黨，佢唔確定對方屬邊個陣營，但肯定唔係自己黨嘅成員。

富貴黨話明，若查出有黨員爆粗咁失禮，必定大義滅親，踢對方出黨，不過佢哋首先要搞清楚事實。都係o架，「老屈」造謠、陷人於不義實在可恥。