流動小販變億萬富翁

Byron仲話依家係「人民幣萬歲」嘅時代，佢曾經見過有個內地客，喺米蘭站狂掃十三個售價三十幾萬元嘅名牌手袋，豪花五百萬元，目的係用作公司周年晚宴抽獎之用，出手之豪爽令人大開眼界。所以依家佢最重視內地市場，繼喺北京開首間分店之後，年尾就會正式進駐上海。

由一名中三畢業嘅流動小販，搖身一變成為億萬富翁，Byron嘅成功故事成為唔少後生仔取經借鏡嘅教材。咁公司會唔會上市呀？佢笑住話暫時未有具體打算。

見佢着住件黑色西裝襯及膝褲，望落既輕便又有型，而佢腳上嗰對白色尖頭皮鞋最引人注意，佢話：「鍾意佢夠潮，夠牙擦！」