葉劉嘅匯賢智庫學苑今年獲優質教育基金撥款資助開辦暑期班，佢就主打教英文文法，仲開足三班添。佢話舊年開班時，改學生嘅作文改得好認真，每份都寫好長嘅評語畀佢哋，學生收到後唔單止好感動，仲猛話出面嘅補習名師同佢冇得比添！

轟教育局唔着重教文法

講講吓，葉劉又大鬧當年嘅教育局硬推互動教學，唔着重教文法，搞到依家新一代學生嘅基本文法錯得好緊要，所以佢會以最古老傳統嘅教學法，即係叫學生不斷作文，去糾正佢哋嘅根本錯誤。佢話自己係用心搞教學，同出面嘅補習社唔同，唔會幫佢哋tip題目，希望可以收到啲真係有心學英文嘅學生。