03/05/2010

播放本新聞相關短片

政情:KK認曾被說做立會主席

呢幾日有傳立法會主席一職將會出缺,更有謠言話建制派想搵民協嘅立法會議員KK馮檢基做主席添。KK尋日就大爆,話金融服務界議員「金勞詹」詹培忠早喺兩個月前,已經私底下問過佢有冇興趣做呢個位,但佢當時覺得金勞詹向來都係吹水唔抹嘴,對佢呢個咁「大膽」嘅建議都係聽完就算,仲話自己對議事規則唔係太熟,搵佢做主席實每個禮拜都笑到人碌晒地喎。

KK話:「我唔識做㗎!我唔識做㗎!」跟住就斬釘截鐵咁話自己唔會做,仲話覺得呢啲傳言係建制派分化泛民嘅手段,叫大家唔好咁認真對待,唔係就中計嘞!