田少撐哪吒，有心有金，贊助二千蚊百佳券做抽獎禮物，又親自頒獎，冧盡將軍澳師奶兵團，曲線為本身係西貢委任區議員嘅哪吒拉票，幫佢明年轉戰直選。不過，田少攫取女人心，冇選票嘅一樣中招，富貴黨常委曾志洪嘅小孫女同田少好啱傾，二人仲當眾咬耳仔，田少細細聲講：「介紹個靚仔你識吖。」然後喺銀包掏出愛孫「俊仔」嘅帥照。睇吓田少嘅冧功幾咁了得，竟然「降呢」，做埋「o靚妹殺手」。