肥仔明本身已患有飛蚊症，佢年年都會去眼科醫生度做例行檢查，點知早前檢查就發現佢有白內障嘅早期徵狀。眼科醫生講明，雖然佢依家嘅情況唔算嚴重，唔使做手術住，但就叫佢唔好畀隻眼接觸強光喎。

佢話平時都會選擇戴太陽眼鏡，架車都會長期放定頂帽傍身，但佢話白內障遲早都會惡化，等佢「熟」咗後，最後都係難逃做手術嘅命運喎。