本文重點
【本報訊】水警知情人士透露，俗稱「大偈」的大型水警輪，維修貴、食油勁，當局為節省開支，已決定淘汰「大偈」船，中船及細艇變成緝私主力，惟船速難以匹敵，前線如何搏命也事倍功半，令人洩氣。他不諱言說：「水警輪船速輸幾條街，根本無得追，眼白白睇住私梟逃返內地水域。」他表示，有時私梟多艘船夾攻一艘水警輪，非常危險，惟船隻被撞毀，揸船水警又要寫報告交代，隨時被上司「詐型」。
另有警員慨嘆：「乜都話要慳，前線警員做又死唔做又死！」他指稱：「好多水警都好無奈，唔做就畀人批評緝私不力，做就有心無力，艇都唔夠人勁，徒勞無功！」由於警隊高層無體諒前線苦況，前線壓力與日俱增，他擔心將有更多警員爆煲事件發生。
警方稱自殺個案不嚴重
警務督察協會主席廖潔明稱，近年警員自殺個案並不嚴重，警隊已做了措施防範，他稱警員若有壓力，除可向上司反映外，亦可找心理專家，忌鑽牛角尖做傻事。