黑英喺網誌話粗略估計，退休後淨係演講逾百場，接受訪問都有三十幾次，咁忙都係希望港人更多了解氣候變化同生活方式嘅關係，促進大家能返璞歸真，離開奢華浪費，轉向儉樸但開心嘅生活啫！

地球暖化日趨嚴重，黑英想市民能夠返璞歸真，做個「摩登原始人」，但佢慨嘆好難做，因為唔少聽眾懷疑「人類進步」點可走回頭路。呢句話好明顯係啲人話歎慣咗好難改，而黑英就話咁講法，好明顯要做好多工夫先令到市民明白以依家嘅方式「向前走」係冇路嘅，係走向懸崖，顧名思義係話再愈走向奢華浪費嘅生活，只係死路一條。黑英話單靠佢一人之力，唔可能喺人類歷史留下乜嘢印記，亦好似雪泥鴻爪咁冇耐就會畀風雨抹掉咁，但既然佢活喺世上，就要努力為大眾嘅前途盡一分力，個人嘅作用最終短暫抑或長遠，就等將來嘅人間風雨決定咁話。