過去KK都參加過好多呢類比賽，透露過佢對家務有一定了解，尋日佢落場表演一味「鳳尾蝦」，美麗名字後面其實即係炸蝦，只見KK同佢嘅拍檔好淡定，油滾之後就炸蝦，唔夠十零分鐘，已經整咗味黃金色嘅蝦出嚟，香氣四溢，引嚟好多人讚賞。

不過啲蝦擺一陣就滲油，時間一分一秒過去，油炸蝦變咗油浸蝦，雖然仍色香味俱全，但油太多已唔符合現代人健康飲食要求，或者因為咁，KK最終無緣攞獎。比賽志在參與，佢抱病出賽都有咁嘅水準，算係咁o架喇。講開又講，呢個比賽已經係第五年，每年都搵啲立法會議員同啲弱能人士一齊煮餸，等社會多啲人支持弱能人士。