逾百位應屆畢業生出席咗尋日嘅崇拜，吳校長致辭時寄語學生要勇於面對挑戰，視挫折為歷練，咁苦口婆心，台下學生聽到眼濕濕。活動結束之後，唔少學生拉住校長合照，吳校長有求必應之餘，仲約定學生明年浸大五十五周年，要返嚟慶祝喎。

七月同太太遊歐洲

退休在即有乜打算呢？吳校長話冇打算從商，可能做啲研究都未定。賣身畀浸大廿五年，所以佢計劃七月同太太把臂同遊歐洲浪漫吓，計劃玩幾個月先返香港。