【本報訊】香港飲食業聯合總會建議最低工資訂於時薪不多於二十四元，有業界「良心」僱主隔空與總會會長張宇人展開罵戰。茶餐廳老闆坦言「畀緊二十六至二十八蚊一個鐘請工人，我都企得住」，直斥「開咗（茶餐廳）咁多年都冇執笠，你（張宇人）唔好成日用啲數字嚟嚇我哋」。有零售業僱主亦批評，「用二十四蚊咁低工資請人，係賺緊工人而唔係茶客嘅錢，係剝削工人血汗錢袋落自己個袋」。張宇人則反駁，「到個行業死晒，唔好話我嚇你。」
張宇人昨出席電台節目時直言，自己崇尚市場經濟，個人認為不應訂立最低工資，不過以代表飲食業界的身份而言，則建議最低工資時薪不多於二十四元。
他的建議引來經營茶餐廳的鄺先生反對，自言所有受僱員工工資水平介乎二十六至二十八元以上，不滿有集團以十多元時薪聘請員工，「做足十個鐘，用良心嚟講，可唔可以維持一頭家先，唔好話十幾蚊，廿蚊都唔夠啦」。他更表示，「工人唔係想有額外要求，只想維持生計」，促張宇人不要再用數字來嚇人。張宇人引述調查，最低工資高至三十三元水平，三成企業執笠，工人失業，質疑是否由鄺先生吸納他們。