要商販孭起監管責任

廖續稱，吸煙並無違法，青少年吸煙亦不違法，但報販賣煙給青少年則會被檢控，他坦言：「買就冇問題，賣就有問題，咁即係政府覺得青少年吸煙問題係銷售商包括報販造成，係報販嘅問題！」事實上，控煙辦根本辦事不力，監管亦不力，推卸責任，變相由報販監管禁止未滿十八歲的青少年買煙。

「賣就犯罪，唔賣就得罪！」報販賣不賣煙給青少年陷於兩難局面，賣會被檢控，不賣分分鐘招致報復。廖社青稱：「為咗少少生意，搞到又要報警，又要畀口供，搞半日，更加做唔到生意！」他不諱言，政府不如索性立例禁止青少年吸煙「仲實際」。

事件中受害的女報販朱小姐亦批評：「控煙辦會放蛇，但只係捉我哋賣煙嘅！梗係唔博啦，捉到要罰錢，賣煙錢都唔夠畀！」她又指，政府不應推卸責任予報販，坦言：「我冇權查人哋身份證！」並嘆謂：「賣又犯法，唔賣又搞成咁！」令她十分難做。