原擬半年後開分店

愷華原定Eligio會在今年二月獲批簽證，屆時廚房由他「打骰」及訓練人手，半年後便可開分店，她和海發則負責行政管理，引入更多投資者。「我哋已經搵到投資者，但無啦啦整單官司，人哋都要再諗過啦。」僅靠他們二人，無法應付更多生意，愷華苦笑：「附近有寫字樓叫我哋做到會，但香港好難請墨西哥廚師，我哋連送外賣都做唔到！」

他們對入境處執法非常不滿，海發說：「無端端要一個冇犯事嘅人還押，之後仲要佢即刻走，連一句對唔住都冇！試問點會有人用兩萬蚊買機票嚟做黑工呀？」申請工作簽證前，海發曾問過入境處，職員指Eligio可一邊來港、一邊申請簽證，想不到依照手續也會招致官司。二人氣憤說：「我哋為理想放棄高薪厚職，餐廳搞得好，亦可推動香港經濟及旅遊業，依家工作簽證又唔批，乜都畀入境處搞垮晒，都唔知點做落去！」