峻榳是劉氏夫婦的第一胎，劉太二十九歲非高齡產婦，除懷孕時有輕微妊娠糖尿，產檢並無異常，親屬亦無遺傳病史。「已買好晒BB床、BB衫同玩具。產前一個月，仲諗BB出世後係點嘅樣，完全無諗過會發生咁嘅事。」他指兒子病發後，夫婦倆每日到醫院探望，更擔憂至無法成眠，「親戚朋友都好關心我哋，但有時都唔知點講，愈講愈心淡。」劉太淒然道：「最難受係喺產房見過佢健健康康，之後突然變到無晒反應。」

小峻榳求生意志強

劉先生及妻子不時在峻榳耳邊說話，又在病床邊擺放錄音機，播放音樂及夫婦倆的錄音，希望喚醒愛兒。

劉先生指峻榳目前「半睡半醒」，半開合的雙眼偶爾會移動，「抓佢腳板時佢會反射性咁縮一縮，抱佢時佢又會伸懶腰咁郁少少。」他相信峻榳有求生意志很想醒來，故未到最後一刻，他與妻子絕不放棄。