龔仁心接受本報訪問時說：「原本大家安安樂樂過日子，咁樣咪幾好？但係有人要挑起官司。」他指陳振聰拿出所謂○六遺囑爭產，才引發如此冗長龐大訴訟，令華懋花很多錢打官司，亦要支付遺產管理人費。「如果冇呢件事，基金一早可運作，根據龔如心遺願行善，而且可有更大自由度。」

收錢料等多兩年

他說，青海發生大地震後，基金即計劃捐款賑災，並希望第一時間付諸行動，但因仍受管理人監管，在捐款額等問題上需知會管理人。他說﹕「之前智利同海地大地震，我哋都有捐款，外國有難我哋都樂於幫忙，何況中國人自己有事，基金更加義不容辭。」

雖然法官已下令由陳振聰支付華懋大部分堂費，但因陳已提出上訴，若上訴失敗亦有可能上訴至終審法院，故龔仁心預期華懋起碼要多等兩年才收到錢，期間亦不能大刀闊斧展開慈善活動。他慨嘆道：「邊個畀錢都好，最後都係益咗律師同會計師。」