消委會提醒查核月結單

葉女士（待業） 我啱啱先申請咗張八達通提款卡，但佢介紹條款時冇提到嗰個國際網絡手續費。每次扣廿五蚊咁樣真係好難發覺，搞到我依家都唔敢用張卡提款。

李先生（文員） 銀行唔好好交代事件好唔應該，銀行係公眾機構，有責任通知市民，等大家可以互相監察，起碼大家知咩事，如果唔係事後追究起上嚟仲麻煩。

消費者委員會關注今次有銀行多收手續費的問題，又提醒消費者如發現月結單上有不尋常的收費，應主動向銀行查詢。

港大電機電子工程系高級教學顧問霍偉棟表示，從技術角度看，不應發生在本地使用提款卡提取名下戶口款項，卻被扣取國際提款手續費的事件，時下盛行八達通功能的信用卡及提款卡，因透過多間銀行機構與八達通合作，涉及多個不同機構，系統間偶爾會較難兼容：「呢種卡較容易出事，一個不留神做漏嘢，系統同系統之間就會出現唔協調，同『多個香爐多隻鬼』一樣道理。」

浸大計算機科學系副教授張國威則指出，在本港用提款卡提取本地戶口款項，理應毋須支付任何「國際網絡」的手續費，但櫃員機軟件需定期更新，要確保軟件無錯有一定難度。他續稱，無論如何，銀行均不應利用櫃員機作推銷新服務的平台：「市民明明只係想去櫃員機提款，但你又無端端喺冇乜背景資料底下向我推銷新服務，咁我究竟應該點反應好？」

今次提款扣手續費的事件在銀聯通寶有限公司（簡稱「銀通」）轄下櫃員機發生，該公司在全港擁有至少一千四百部櫃員機，至今有多達三十間銀行成員。