【本報訊】提款中招的陳雲生對銀行處理事件手法大表不滿：「胡亂歸咎張卡啲磁帶有問題，又卸膊，咁樣嘅處理手法，我終於明白點解雷曼苦主咁閉翳！」他表示，當初選用有關銀行服務時，是貪有關銀行「唔使排隊」，且銀行職員游說他出新卡時，未有向他解釋會碰上國際網絡收費一事，事後又只顧極力「卸膊」，處理手法令人失望。
質問有否按下「同意鍵」
陳雲生表示，當他首次向今次扣錯錢的提款卡發卡銀行職員查詢為何會扣手續費時，職員只是咄咄相逼，質問他有否注意到畫面上的提示而按下「同意鍵」，「我出卡前從來都冇聽過國際網絡手續費呢樣嘢，今次又趕住要提款，我根本就冇得揀！點解好似我㩒咗『同意鍵』就等同要我接受現實？」
陳又批評當初職員游說他轉用「八達通提款卡」時，只不斷向他介紹「一卡兩用」新功能及好處，絲毫未有觸及到有關國際網絡手續費或任何附帶風險，他預計不少市民都可能在不知情下中招。他慨嘆：「依家有提款卡嘅人都好少打簿，用埋繳費靈同分期付款等服務嘅人就更加唔會發覺，你點估到喺本地自己嘅儲蓄戶口提款，都要畀手續費呀！」