ifc係政商界名人集中地，好多名人都喺嗰度食飯，呢一日大輝就喺「正斗」撞到前足總主席康寶駒坐定定同朋友撐枱腳。

講起「正斗」嘅食物，除咗招牌雲吞麵，大輝亦推介春卷同蘿蔔絲酥餅，貪佢即叫即炸，熱辣辣新鮮放入口，零舍好食，而蘿蔔絲酥餅嘅口感相當鬆脆，咬落去鮮甜多汁。咁多好嘢，唔怪得「正斗」都入選《米芝蓮指南》港澳推薦名列啦。