13/04/2010

播放本新聞相關短片

政情：政府揼企業心口撐世博

上海世博會就嚟開幕，特區政府雖然已獲立法會撥款近三點五億元籌辦整項活動，但仍唔放過揼企業心口嘅機會，捐助最多嘅「鑽石」贊助機構有三間，政府開價高達五百萬元以上，國泰航空、滙豐銀行同新創建都躋身其中，加埋其他唔同銀碼嘅贊助商共有二十幾間，政府籌咗幾千萬元。

政府尋日特登舉辦致謝晚會，捐咗唔少嘅合和實業董事總經理Thomas胡文新，百忙之中都抽空嚟撐場。問佢會唔會去睇世博，Thomas話佢啱啱喺上海返嚟，世博舉行期間佢會好忙，應該唔得閒去睇嘞！