星雲大師向來熱心喺各地弘揚佛法，早喺○五年佢已經代表佛光山文教基金會，同中大簽訂第一期合作協議，仲喺中大成立「人間佛教研究中心」，推動佛學研究。事隔五年，星雲大師再嚟到中大簽訂第二期協議，更以基金會嘅名義捐贈七百五十萬元畀呢個研究中心添。

大師讚揚中大係世界頂尖學府，形容今次再度合作係「好有意義、好重要的一件事」。不過再有意義嘅事，似乎都敵唔過周公嘅奪命追魂Call，只見劉校長喺星雲大師致辭時不斷嘗試抖擻精神，叫自己唔好瞓，但後來佢終於支持唔住，不斷釣魚，醒一醒又偷偷望吓大家，博大家唔發現。當住大師都瘋狂釣魚，劉校長仲有冇再失禮啲呀！