五日四夜只需四千蚊

丁毓珠同東區區議員、銅鑼灣街坊福利會約六十人，下個月直航去上海玩五日四夜，全程住五星級酒店，團費都只係四千蚊港紙，據聞議員好踴躍參加，除咗冇回鄉證嘅「阿牛」曾健成。唔講唔知，為咗今次世博團，政商界搞咗唔少觀摩團，五、六月份，政商界搞嘅團較多，暑假就輪到學界接力，加埋唔少港人自己上去睇世博，呢個夏天上海真係好熱鬧。