泰國紅衫軍連日搞激烈抗爭，保安局早已將外遊警示提升到紅色級別，仲唔排除隨時提升到黑色添。喺呢個緊張時刻，保安局局長李少光卻申請放假五日，尋日仲同家人喺機場啟程去日本東京旅行添，下禮拜二至返港。上次包機事件嘅陰影未散，今次會唔會翻版㗎？
李少光嘅新聞秘書表示，佢老細會喺東京隔空密切關注泰國局勢，加上今次有保安局副局長黎棟國留港，以署理局長身份
實，有乜依郁就會採取相應行動喎！不過，世事真係有好多巧合，○八年底泰國局勢混亂，大批港人滯留泰國，當時李少光又係去咗日本，不過嗰次係公幹，結果港府遲咗安排包機接載港人返港，李少光都要孭鑊道歉，之後仲變成驚弓之鳥，放假都唔敢遠行。
今次東京之旅，除咗李少光同太太之外，仲有囝囝霖恩一家三口、囡囡卓穎同夫婿姚舜城。卓穎上個禮拜六先新婚，今次唔通係家庭旅行兼蜜月？