「點解後生就係求情理由？我囡囡過身時都好後生，佢本來都有好好嘅前途，都有好多人愛錫……。」死者張芷君的母親昨在庭上聞判後激動得當場落淚，「佢（被告）無道過歉，完全無悔意，佢害死我個女……。」

張母哽咽稱事發一年來，每當想起女兒逝世時只有十四歲，心裏仍很難過。她直言判決結果很失望，「十個月實在太輕，佢根本就係存心開快車！」

「朋友話佢成日開快車」

意外中四肢癱瘓的陳嘉琪，其家人亦不滿判決，嘉琪胞姊指妹妹至今仍要留院治療，「佢（嘉琪）已經無咩意識，無再提起撞車件事。」她與另一女親友直指判刑無阻嚇力，「根本就係助長危險駕駛歪風，咁樣開快車撞死人同謀殺有咩分別？」

她們又質疑被告求情的理由，「根本朋友一向都知佢開車有問題，話佢成日開快車，仲話今次終於出事啦，據我所知，事發時後排四個女仔驚到手拖手，仲一齊叫佢停車，但佢都無理到！」死傷者家屬亦不滿被告在提交的求情信中才表示歉意，「佢無道歉、無悔意，仲向法庭求情，係不負責任！如果真係有心，平日經常見到面點解唔道歉？」