十畫仍未有半撇，謝卓飛企都未企定，管理局已經驚佢亂飛撞板，急於「補鑊」，又花公帑登報聘請一名行政總裁辦公室主任，年薪料達二百萬元，應徵條件與應徵行政總裁相去不遠，據解釋是因謝卓飛不了解本港情況，所以要「搵人湊佢」。這是甚麼邏輯？一個年薪三、四百萬元的行政總裁要人「湊」，這不是笑話是甚麼？

文化界人士炮轟新職位冇必要，擔心會令管理層內權責不清及更加政治化。謝卓飛連試都未試，點知佢唔得？何況「船到橋頭自然直」，如今，船尾都未知喺邊一忽，管理層便把謝卓飛縛手鎖腳，佢係大鵬都飛唔起喇！

有笑話謂，有專賣迷藥的郎中出門叫賣去了。顧客上門買藥，郎中的太太出來應接，買藥的見郎中太太頗有姿色，就把藥彈在其身，郎中太太將買藥的帶進房雲雨一番。郎中回來太太和盤托出，郎中大罵：「你竟做出這種淫賤之事？」太太說：「我如不做，買藥的不就知道你的藥不靈了嗎？」

今管理局請來洋總裁，卻連藥也不敢給他試，我們無緣見識洋人是否能飛，未免心有戚戚然。