審批註冊一味死拖

全民健康動力主席勞永樂批評衞生署一直沒有認真監管中成藥，「冇事冇危機就拖長嚟做，咁多年都未審批晒中成藥嘅註冊申請，究竟係冇時間定係冇人手？」他促請衞生署交代工作進度，以及重新計劃審批註冊時間表，「最多畀多三年時間佢做審批，唔可以咁樣拖吓拖吓！」

對於現時仍有三百多間中成藥製造商屬過渡性註冊，勞永樂不滿衞生署多年來對一些中成藥「山寨廠」置若罔聞，任由品質存在疑問的中成藥通街賣，「有咩理由縱容喺住宅製造中成藥？唔通用電飯煲製藥都可以接受？」

立法會醫學界議員梁家騮認為，雖然中成藥近十年才逐漸制度化，「但賣得出街嘅藥都應該受監管」，不可容許未完成註冊的中成藥長期通街賣。他又批評《中醫藥條例》第119條一直都未能生效，是因為「政府好多嘢都放喺櫃桶底，冇人講冇人提冇事故發生，就唔拎出來！」他認為衞生署應增加人手，盡快處理中成藥註冊及製造商發牌工作。

梁家騮又稱，雖然不少中成藥製造商的生產環境良莠不齊，但港府不可一下子扼殺業界的生存空間，應逐步協助製造商改善經營條件，如要求製造商與私營實驗室合作，定期抽驗出廠貨品有否含細菌、重金屬及禁藥，以逐步加強監管中成藥的質素。