香港汽車工業學會會長李耀培指出，據本港的道路設計，小路出大路的確存在一定危險性，他說：「司機往往睇唔通路面情況，部車要凸咗出大路先至睇得清，但咁樣會令大路嘅車要急停，甚至釀成意外。」

他表示，反射鏡雖然並非標準交通設施，而現時港府的確不會在港採用反射鏡，但事實上在一些窄路或隱蔽路口，若設有反射鏡，無可否認會令司機視野較清晰，「裝咗好過無」。若當局不贊同裝設反射鏡，可以其他方法改善司機「睇位位置」，如擴闊路面、清除路口周邊可影響視線的障礙物。