讚街坊小菜有香港風味

馬太平日好少蒲新蒲崗，睇見大廚用心炒出風味小菜，亦讚不絕口。肥亨愈食愈滋味，加料點多幾味，包括「鮑汁鵝掌」、「麵醬唐生菜」、「燒汁雜菌炒牛柳粒」，仲有佢甚為欣賞嘅「啫啫鮑魚煲」，埋單計數，不過一千二百幾蚊，超抵食！雖然係街坊小菜，但肥亨話食嘢不分平貴，最緊要好味，仲話食肆咁有香港風味，值得推介畀老友。唔通佢想做埋旅發局主席田北俊嗰份?

肥亨雖然離開咗官場，但人氣依然旺，小菜館店長華哥趁肥亨臨走捉住佢影合照，話要擺出門口做生招牌喎！肥亨聽見笑騎騎點頭，話晒依家無官一身輕，即使幫人做生招牌，都唔驚會惹嚟閒話啦！