孫太話，希望帶個孫仔去長城做好漢，又會去故宮、鳥巢同水立方等景點參觀，當然仲會去王府井大街歎吓出名嘅涮羊肉啦！呢排北京有沙塵暴，滿天滿街都黃沙飛揚，細心嘅孫太當然諗埋後着，話如果遇上沙塵暴，就會去王府井東安市場吃喝玩樂喎。

雖然咁多名人出外旅行，但九巴董事William雷禮權就決定留港不出門，事關佢稍後會做廿四孝爸爸，陪十七歲嘅囝囝去美國揀大學。William一對仔女喺英國讀書多年，問佢會唔會牽腸掛肚，佢話對仔女每年回港五次，而佢每年都會飛十次去英國處理生意業務，所以大家經常見面。