狄娜年前曾推出《戰道》系列作品，親述息影後從事航天科技事業的傳奇事迹，遺作《電影—我的荒謬》則可謂其上半生自傳。今次力邀狄娜出山寫書的紅出版集團總編輯梁鈞浩昨憶述，他是從電視節目《大國崛起》認識狄娜：「見到佢好招積、好巴閉，之後知道埋佢由電影到從商之路，就好想搵佢出書。」經多次接洽，狄娜終在去年三月應約跟梁在金鐘一家五星級酒店會面。

梁對該次會面記憶猶新，事前更向母親「做定功課」免得出醜：「記得佢拖住個篋，傾完就要入院（進行切除膀胱手術），但佢完全無病容，真人仲靚過上鏡。不過最令我深刻都係佢思路敏捷、記憶力好強。」梁盛讚狄娜和藹可親，甚至曾出言邀請他到其葡萄牙高級住宅作客，惜已成泡影。

編輯想改都改唔到

《電影—我的荒謬》將於下周出版，梁鈞浩稱，八萬字內容全由狄娜親撰，「編輯想改都被狄娜小姐說服到改唔到。」他苦笑指，狄娜收取的版權費與出席電視節目同價，故為她出書「基本上無得賺」，惟自己敬重其為人遂不計較。狄娜除為作品命題外，亦親自挑選封面圖片，揀中由六、七十年代「明星御用攝影師」高仲奇拍攝的作品。相中的狄娜身穿一襲低胸短裙，一臉慵懶盡發性感魅力。高仲奇昨稱，由於年代久遠，已想不起相片於何時何地拍攝，但此相片為他得意之作，過去更曾參展。

狄娜於農曆年透過他人聯絡高，表示在電視節目中見到該相片，希望作為新書封面照片。高仲奇讚揚當年狄娜與眾不同，口才身形皆出眾。