轉個頭，佢即刻變身古代維京戰士，佢騎喺條巨型惡龍上面扮晒要馴服隻猛獸，睇佢拎住武器同盾牌擺出有型姿勢，又不停擺動身體，好似條龍真係喺天上面飛緊咁。佢仲自爆細個嘅夢想就係坐住條龍做馴龍師。佢咁落力為乜呢？原來係介紹呢個展館裏面一部特技影相系統，唔怪得佢喺塊綠色嘅布景前面要出盡渾身解數啦。真係乜都可以畀佢扯上關係。