天文台前台長林超英有「黑英」之名，舊年退休後無官一身輕，竟然嫌自己唔夠忙，話正處於「退休過度活躍期」，因為「身痕」，所以要四圍做嘢，仲有就係四處遊歷吸收新事物，不斷令自己增值。
黑英日前擔任一個長者活動嘅嘉賓時主動講到自己嘅退休生活，話自己除咗睇唔同類型嘅書外，又不停去送「外賣」，意思係到處做主禮嘉賓同出席演講咁解，佢好享受同周圍嘅人傾偈，從中亦獲益良多。
佢仲話，人同動物嘅分別，在於動物一出世就有覓食求生嘅本能，但人就唔同，人天生冇牙冇爪，要透過不斷學習新知識至可以成長。或者係咁，黑英先會咁身痕！