監考員懶解畫惹眾怒

考評局今年試用條碼閱讀器登記收卷以減低遺失試卷風險，但效果成疑。「究竟個電腦系統搞乜？四十分鐘可以做半份英文閱讀理解卷啦！」中七考生蔡同學昨到沙田蘇浙公學應考中國語文及文化聆聽試卷，說監考員使用條碼閱讀器登記各份試卷後，再把條碼閱讀器接駁至電腦核對發現不妥，再重複核對數次仍然有問題，「聽到佢哋內部講係唔啱數，又見到佢哋搵人幫。」結果全部考生「坐定定」四十分鐘後，監考員完成核對後才能離開。

蔡同學不滿新系統無助加強收卷效率及監考員未有解釋事件，「身邊同學去問監考員幾時走得，佢只係答有程序要做，大家都好嬲！」原來蔡同學前日應考中化卷一及卷二時亦遭條碼閱讀器所害，「監考員嘟幾次都探測唔到我份試卷，核對唔到我身份，結果企喺我面前五分鐘，我都唔知點答題。」

考評局回應稱，事件並無影響考生，做法需確保考試公平、公正及一切妥當，才可讓考生離場。