孫公尋日公布呢個名為「自願優化班級結構」嘅縮班政策後，新聞處都有出稿解釋，但英文版嘅介紹上就用咗「class reduction」（減少班級）呢個字眼，有傳媒質疑政府所謂嘅優化即係減班啫。

孫公回應問題時，滋滋油油咁話：「我諗唔係reduction（減少），而係restructuring，係結構更改。」但係，結構更改嘅最終結果咪又係全港中學班級數目減少，所以先要啲中學主動減少中一班級啫，孫公今次「教英文」，睇嚟係想偷換概念。

其實，孫公已經唔係第一次偷換概念，舊年佢推銷中學語言微調政策時，都畀人話新中學語言政策根本係革命性地背棄母語教學原則，點會係微調咁簡單呢？