立法會議員涂謹申尋日喺財委會特別會議上就話，對審計署未有對以上部門進行衡工量值嘅審查表示失望，更直斥「唔係睇咗單據，證明人哋真係買咗架車就叫做核咗數」。

佢仲話：「依家講緊嘅線人費係機密、係『暗處』嘅嘢，係得有權查晒全政府帳目嘅審計署先可以查到！」佢炮轟審計署署長鄧國斌失職，更表明如果鄧國斌唔跟進事件，唔排除稍後要求佢減薪或辭職。風頭火勢，鄧國斌都要做下啲安撫嘅工夫。佢話審計署每年都會就香港警務處、廉政公署同海關嘅帳目做詳細審查，而審計署嘅宗旨一直都係希望公帑能用得其所，又承諾會考慮阿涂嘅建議喎！