天文台台長李本瀅舊年五月接棒做台長，但已經體驗到壓力。好似預測紫外線咁，有時太陽伯伯開行火力，紫外線自然就強勁啲，自不然個預測指數就高啲，不過居然就有人開聲話佢咁講會影響香港旅遊業。講得影響旅遊業，大家好自然就聯想到三個名字︰旅遊界立法會代表謝偉俊、旅遊業議會主席胡兆英同田北俊，係邊個呢？李台長就點都唔肯講，不過斷估都唔會係香港旅遊大使成龍同應屆香港小姐旅遊大使黃嘉麗啩！

講開好工，現役天文台科學主任以上嘅職位都陸續步入退休期，所以嚟緊都會搞招聘，雖然份工壓力唔小，但係同二十蚊時薪嘅工相比，點都叫做薪高糧準，所以天文台都唔怕會青黃不接。